Ag,  assebliefie

Die briewebesteller kom elke dag by ons huis verby

Met ‘n brief vir Mammie en ‘n brief vir Pappie

Maar nooit eens een vir my

Ek wil so graag ‘n brief ontvang

Ja, ek wil ook een hê

Ek gaan hom vra, ja ek sal hom pla

En dis wat ek sal sê

Ag, assebliefie – gee my ‘n briefie

Gee my ‘n briefie – toe tog my liefie

Ag, assebliefie – gee my ‘n briefie

Net een ou klein ou briefie

Ja, dis wat ek sal sê

As ek hom so mooi vra

Elke dag ‘n bietjie pla

As ek maar aanhou, aanhou vra

Dan sê hy miskien ja

Ag, assebliefie – gee my ‘n briefie

Net een ou klein ou briefie  -  Dis al wat ek wil hê

Kyk mooi in jou sak, asseblief tog oomie soek

Miskien kruip my briefie weg, ja êrens in die hoek

Want hoe is dit dan dat ander mense dikwels briewe kry

Elke liewe dag maar daar is nooit ‘n brief vir my

Ag assebliefie, gee my ‘n briefie

Gee my ‘n briefie – toe tog my liefie

Ag, assebliefie, gee my ‘n briefie  -  Net een ou klein ou briefie

Dis al wat ek wil hê

[ LEAD ]

Ag toe, Omie

Ag, hoekom is Omie so ‘n snob

Omie se possak is mos propvol briewe, Omie

As ek eendag ‘n brief sal kry – hoe trots sal ek nie wees

Ek sal dit stadig oopskeur en kamma kastig lees

Ja, daarmee sal ek spog en vir almal sal ek sê

Kyk ek het ‘n brief gekry

We we we we

Ag assebliefie, gee my ‘n briefie

Gee my ‘n briefie, toe tog my liefie

Ag, assebliefie, gee my ‘n briefie  -  Net een ou klein ou briefie

Dis al wat ek wil hê

Net een ou klein ou briefie

Met ‘n lieflike posseël in die hoekie

Dis al wat ek wil hê